Terms &
Conditions

1. За ASPIRA

Аспира Двелопмент Хуб ДООЕЛ Скопје
ул. Даме Груев бр. 16, Скопје
www.aspiradh.com
contact@aspiradh.com
Тел.: 078 313 398

​

ASPIRA обезбедува образовни, преведувачки, консултантски и други експертски и интелектуални услуги.

​

Овие Услови се применуваат заедно со описот на конкретната услуга, понудата или договорот и со релевантните политики на ASPIRA.

2. Упис и склучување договор

Уписот може да се изврши преку веб-страницата, со прифаќање понуда, со писмен договор или на друг начин определен од ASPIRA.

​

Со потврдување на уписот, договорната страна ги прифаќа цената, начинот на плаќање, овие Услови и правилата што важат за конкретната програма.

​

Податоците доставени при упис мора да бидат точни и целосни.

Кај малолетен Учесник, договорна страна е родителот или законскиот старател, кога тоа е потребно согласно закон.

3. Образовни програми

За секоја програма се наведуваат релевантните информации, како:

• содржина и ниво;

• број и времетраење на часовите;

• формат на настава;

• датум на почеток;

• распоред;

• цена и начин на плаќање;

• услови за сертификат, кога е применливо.

Учесникот е должен редовно да ја посетува наставата и навремено да го најави отсуството.

​

Пропуштен час по вина или избор на Учесникот по правило не создава право на поврат, намалување на цената или индивидуална замена.

4. Промена на датум, термин или програма

ASPIRA го задржува правото поради организациски, кадровски, технички или други оправдани причини да:

• го промени датумот на почеток;

• го промени денот или времето на наставата;

• го промени наставникот;

• реорганизира или спои групи со соодветно ниво;

• го промени форматот кога тоа е разумно потребно;

• ја одложи или откаже програмата.

Учесниците ќе бидат навремено известени за значајните промени.

​

Ако значајна промена на датумот или терминот не му одговара на Учесникот, тој може да го откаже уписот и да добие поврат на средствата за услугата што нема да ја користи.

​

Ако ASPIRA ја откаже програмата и не се договори со Учесникот за соодветна алтернатива, се враќа уплатениот износ за услугата што нема да биде обезбедена.

​

За самата промена или откажување ASPIRA нема договорна обврска за дополнителна компензација над повратот на средствата, освен кога такво право не може да биде исклучено согласно применливото законодавство.

5. Снимање на часовите

ASPIRA може да ги снима часовите и другите образовни сесии.

​

Запишаните Учесници имаат право да ги прегледуваат снимките од својот курс во периодот додека трае курсот, во согласност со достапните технички функционалности.

​

Снимките и материјалите создадени и продуцирани од ASPIRA остануваат во сопственост на ASPIRA во обем дозволен со закон.

​

ASPIRA може снимките да ги:

• обработува и монтира;

• анализира за подобрување на наставата;

• користи за развој на наставни методи;

• користи како изворен материјал за нови видео-лекции, дигитални курсеви, e-learning содржини и други образовни материјали.

При понатамошна употреба на снимките ASPIRA ќе го заштити идентитетот на Учесниците. Лице, име, профил, контакт-податоци, препознатлив глас и други информации преку кои Учесникот може да биде идентификуван ќе бидат отстранети, изменети или заменети.

​

Ако материјалот треба да се користи на начин на кој конкретен Учесник останува препознатлив, ќе се обезбеди соодветна правна основа или посебна согласност кога таа е потребна.

​

Кај малолетни лица се применува дополнителна заштита согласно Политиката за приватност.

6. Однесување на Учесниците

Учесникот е должен:

• да ги почитува наставниците и другите Учесници;

• да не ја попречува наставата;

• да ги следи разумните инструкции на наставникот и ASPIRA;

• да не користи навредлив, дискриминаторски, заканувачки или друг сериозно несоодветен начин на однесување.

При сериозно или повторено прекршување, ASPIRA може да го предупреди, привремено да го отстрани или да го исклучи Учесникот од програмата.

7. Цена и плаќање

Цената и можноста за плаќање во рати се наведуваат пред уписот.

​

Кога цената се плаќа во рати, Учесникот е должен да ги плаќа во договорените рокови.

​

При задоцнување со плаќање, ASPIRA може по известување:

• да го ограничи пристапот до наставата, снимките или корисничките ресурси;

• привремено да го отстрани Учесникот од групата;

• да го продолжи пристапот откако ќе биде подмирена доспеаната обврска;

• да го прекине договорот при подолготрајно неплаќање.

8. Откажување и враќање средства

Учесникот може да го откаже својот упис согласно Политиката за откажување и враќање на средства.

​

Кога системот е достапен, откажувањето се врши директно преку корисничката сметка.

​

Пред конечната потврда, на корисникот му се прикажуваат финансиските последици од откажувањето и евентуалниот износ за поврат.

​

Неприсуството на наставата само по себе не претставува откажување.

​

За законското право на повлекување од договор и за конкретните рокови и износи за поврат важи Политиката за откажување и враќање на средства и применливото законодавство.

9. Корисничка сметка и онлајн настава

Корисничката сметка и индивидуалните линкови за пристап се лични и не смеат да се споделуваат со други лица.

​

За онлајн настава Учесникот е одговорен да обезбеди соодветен уред, интернет-конекција и потребен софтвер.

​

ASPIRA не одговара за неможност за учество предизвикана од опремата, интернетот или поставките на Учесникот.

11. Преведувачки, консултантски и други експертски услуги

Обемот, цената и рокот за овие услуги се определуваат со понуда или договор.

​

Клиентот е должен навремено да ги достави потребните документи и точни информации.

Ако Клиентот го промени или прошири обемот на работата, може соодветно да се изменат цената и рокот.

​

ASPIRA ќе ја изврши услугата со професионална грижа, но не гарантира резултат што зависи од одлуки, постапки или информации надвор од нејзина контрола.

​

Документите и доверливите информации добиени од Клиентот се користат само во обем потребен за извршување на услугата и согласно Политиката за приватност.

10. Интелектуална сопственост

Наставните материјали, презентациите, видеата, задачите, тестовите, методологиите, графичките материјали и другите содржини на ASPIRA се заштитени и се наменети за лична употреба на Учесникот.

​

Без дозвола не е дозволено нивно:

• снимање;

• копирање;

• споделување;

• јавно објавување;

• препродавање;

• комерцијално користење.

Учесникот не смее самостојно да снима часови или други Учесници без претходна дозвола.

12. Лични податоци

Личните податоци се обработуваат согласно Политиката за приватност на ASPIRA.

​

Прифаќањето на овие Услови не претставува автоматска согласност за маркетинг или за други обработки за кои е потребна посебна согласност.

​

За колачиња и слични технологии важи Политиката за колачиња.

13. Одговорност и виша сила

ASPIRA ги обезбедува услугите со професионална грижа, но не гарантира конкретен индивидуален образовен, професионален, деловен или финансиски резултат.

​

ASPIRA не одговара за неисполнување предизвикано од настани надвор од нејзината разумна контрола, како природни непогоди, прекини на инфраструктура, одлуки на надлежни органи или други случаи на виша сила.

​

Ниту една одредба од овие Услови не ги ограничува правата или одговорностите што согласно закон не можат да бидат исклучени.

14. Приговори и спорови

Приговор може да се достави на:

complaints@aspiradh.com

​

ASPIRA ќе го разгледа приговорот и ќе одговори во законски предвидениот рок.

​

Страните ќе настојуваат спорот најпрво да го решат по мирен пат.

​

За нерешените спорови се применува правото на Република Македонија и надлежноста определена со применливото законодавство.