Политика за откажување и 
враќање на средства

Уписот може да се откаже:

• директно преку корисничката сметка со избор на „Откажи упис“; или

• со барање доставено до ASPIRA лично, по пошта, по е-пошта или преку друг официјален канал за комуникација.

Во двата случаи важат истите услови за откажување и враќање на средства.

Кога откажувањето се врши преку корисничката сметка, пред конечната потврда системот го прикажува:

• применливото правило за откажување;

• износот што се задржува;

• износот што се враќа, ако постои;

• евентуалните преостанати обврски.

Откажувањето преку системот станува важечко со избор на „Потврди откажување“.

​

Меродавен момент на откажување

За утврдување на применливиот рок, меродавни се датумот и времето кога барањето за откажување е поднесено од договорната страна, без оглед на тоа кога ASPIRA го прочитала, евидентирала или обработила барањето.

• Кај откажување преку корисничката сметка, меродавен е моментот на потврдување на откажувањето во системот.

• Кај барање по е-пошта, меродавен е моментот на испраќање.

• Кај лично поднесено барање, меродавен е моментот на поднесување.

• Кај барање испратено по пошта, меродавен е датумот на предавање на пратката.

По евидентирањето на откажувањето, ASPIRA доставува потврда до договорната страна.

​

Кај малолетен Учесник, откажувањето го врши родителот, старателот или другата договорна страна.

За комерцијално откажување важат следните услови:

​

Повеќе од 10 дена пред почетокот:

Се враќа 100% од уплатениот износ.

​

Од 10 до 6 дена пред почетокот:

Се задржува 30%, а се враќаат 70% од уплатениот износ.

​

5 дена или помалку пред почетокот:

Нема право на поврат.

​

Кога откажувањето се врши преку корисничката сметка, системот го прикажува точниот износ пред корисникот да го потврди откажувањето.

​

Кога откажувањето се врши со барање до ASPIRA, истата пресметка ја врши ASPIRA.

Учесникот може да го прекине курсот и по неговото започнување.

​

Во тој случај:

• веќе уплатените средства не се враќаат;

• ако се плаќа на рати, ратата за тековниот месец останува доспеана во целост;

• по формалното откажување, Учесникот се ослободува од ратите за следните месеци.

Самото престанување со присуство не претставува откажување.

​

Додека уписот не биде формално откажан преку еден од начините наведени во точка 1, тој останува активен и договорните обврски продолжуваат.

Неприсуство на еден или повеќе часови не дава право на:

• поврат на средства;

• намалување на цената;

• индивидуално надоместување на пропуштениот час,

освен ако за конкретната програма изречно не е наведено поинаку.

ASPIRA ги снима часовите, а снимките им се достапни на запишаните Учесници во текот на курсот согласно условите на програмата.

Кога потрошувач склучува договор на далечина, вклучително преку веб-страницата на ASPIRA, има законско право на повлекување во рок од 14 дена, кога тоа право е применливо.

​

Законското право на повлекување има предност пред комерцијалните правила од оваа Политика.

Повлекувањето може да се изврши преку корисничката сметка или со јасно барање доставено до ASPIRA.

​

И во овој случај, за почитување на рокот е меродавен моментот кога барањето е поднесено од потрошувачот.

​

Ако потрошувачот побара услугата да започне пред истекот на периодот за повлекување, ASPIRA ќе обезбеди соодветно изрично барање и потврда согласно закон.

​

Ако услугата веќе започнала и потрошувачот го оствари законското право на повлекување, финансиските последици се определуваат согласно применливото законодавство.

ASPIRA го задржува правото, поради организациски, кадровски, технички или други оправдани причини, да:

• го промени датумот на почеток;

• го промени денот или времето на наставата;

• ја одложи програмата;

• ја откаже програмата.

Ако промената на датумот или терминот не му одговара на Учесникот, тој може да го откаже уписот и да добие целосен поврат на уплатените средства за делот од услугата што нема да го користи.

​

Ако ASPIRA целосно ја откаже програмата и не е договорена соодветна алтернатива, се враќаат средствата за услугата што нема да биде обезбедена.

​

Освен повратот на средствата, Учесникот нема право на дополнителна договорна компензација поради самата промена на датумот, терминот или откажувањето на програмата, освен кога такво право задолжително произлегува од закон.

Кога постои право на поврат, договорната страна се известува за износот што ќе биде вратен.

​

Кога откажувањето се врши преку корисничката сметка, износот и статусот на повратот можат да бидат прикажани и во сметката.

​

Кај законско повлекување, Законот предвидува враќање без непотребно одлагање и, во применливите случаи, најдоцна во рок од 14 дена од известувањето за повлекување, по правило со истиот начин на плаќање.

​

Кога начинот на плаќање овозможува автоматски поврат, средствата можат да бидат вратени преку истиот платежен систем.

​

Кога плаќањето е извршено преку банкарска уплата или на друг начин што не овозможува автоматски поврат, ASPIRA го извршува повратот рачно и може да побара потребни банкарски податоци.

При сериозна болест, хоспитализација или друга тешка и непредвидлива околност, ASPIRA може поединечно да одобри:

• преместување во друга група;

• одложување на курсот;

• кредит за идна програма;

• делумен или целосен поврат.

Може да биде побаран соодветен доказ.

​

Ова не создава автоматско право на поврат надвор од законските и договорните права.

За индивидуална настава, корпоративни обуки, преводи, консултантски и други експертски услуги можат да важат посебни услови за откажување наведени во конкретната понуда или договор.

Барање за откажување или прашање поврзано со поврат на средства може да се достави до:

​

Аспира Двелопмент Хуб ДООЕЛ Скопје
ул. Даме Груев бр. 16, Скопје
Е-пошта: contact@aspiradh.com
Телефон: 078 313 398